!.! .. سارة ،، سراب الوهم .. !.!

هذي قصيده لساره

أبي شي(ن) إذا قلتـه يـذوب الكـون باحجـاره
أبي وصف(ن) مهو لآدم ولا هو وصف للجـان ِ

أبي حرف(ن) يزلزلنـي مثـل عنتـر وأشعـاره
أبي شعر(ن) محد قالـه ولا قـد جـال باذهـان ِ

أنا وش جابنـي يمـك ،، لأنـي فيـك محتـار
جمالك كوم في كفة وباقي النـاس فـي الثانـي

إذا دستي على رمـل(ن) تـرى بيزيـد مقـداره
يخال انه ذهب ، فضة ، يصيح : الله ارتفع شاني

ترى زينك بدى يـدوش إذا مـا صـاب معيـاره
كإنـه طلـة النشمـي يفـزز كــل نعـسـان ِ

جمالك هو ( المدح ) وحده ، وباقي الغيّد اعيـاره
ثغر يشبه ثلاث اشيا : زهر ، ياقوت ، مرجان ِ !!

أنا ما قلتلك شـي(ن) بعـد بالوصـف محتـارة
وربي من ذكرت اسمـك جفتنـي كـل أحزانـي

عيونـك زئبـق مركـب علـى أحــداق دوّاره
وجفنك فارس(ن) زلـزل برمشـه كـل أركانـي

وخدك آآه مـن خـدك سهـل منثـورة ازهـاره
واقول ان الزهر بعـدك تـرى بالحيـل ينهـان ِ

إذا ما شافتك شمس(ن) وربـي تصيـر منهـارة
وتشرق من مغاربها وتبحر فـي فلـك ثانـي !!

مجرة جاتها الحيـرة وضـاع النجـم بانـواره
تغيـر كـل مـا فيهـا بلمسـة كفـك الحانـي

أجي مثل البحر هادر ، أجي بركـان فـي نـاره
واذا شفتك هـدى قلبـي وقـام يـردد ألحـان ِ

أمانة بس قولـي لـي مـن اللـي يتقـن أدواره
من اللي يرسم بفجـري دوايـر كلهـا الـوان ِ

ترصّدْ لك جمال الكون ، وشافك : قـدّمَ اعـذاره
تشوّه من لهب زينك وهو مجنـي علـى جانـي

جمالك خالـد(ن) ذكـره وغيـره كنـه زيـارة
نصب تمثال في قلبي ، ختم إسمـه بديوانـي !!

تهابك ناعسات الطرف ، وتحسب طلتـك غـارة
وتوقف لا تهاديتي بخصر(ن) غصنـه البـان ِ !!

همستي وانتثـر قلبـي وضيـع موطـن ديـاره
أمانة لا تقولي اسمي مَ اريـد المـوت يغشانـي

خفوقـي لا عشقتينـي تهـون الـيـوم أوزاره
وربـك يغفـر الزلـة ويتبـع غفـره اجنـان ِ

إذا ما صرتي بقلبي ،، أمـوت وموتـي بشـارة
لا ذيـك النـار تلمسنـي ولا بالقبـر ديــدان ِ

أنا مؤمـن إذا الأخطـل يشوفـك عـاف نـوّاره
وإن البصـري بدينـه جمالـك زاده ايمـان ِ !!

ولو قارون يسمـع بِـك وربـي لاعتكـف داره
ويأجوج(ن) قتل مأجوج وصار الكل ( نسيان ِ ) !!

أجيبيني عن العُزى : أكَانـتْ تُعْلِـمُ المـارة ؟؟
وتدعو بـاسم ِ مالكتي شعوبـاً كلهـا فـان ِ ؟؟

أجيبي هل مفاتنـكِ : جنـونٌ مـلء قيثـارة ؟؟
أم سحرٌ لهُ جُعلتْ قواصي الأرض كـالـدان ِ ؟؟

وربي لا ركبتي البحر .. يُصاب البحـر بـدواره
ويصبح موجه انسام(ن) كما في شهـر نيسـان ِ

قليـل الشعـر مـا ينفـع ولا ينفعنـي اكثـاره
ولا نحْـوي بيخدمنـي ولا علـم الخراسـانـي

واذا كان الشِعر ضايـع الأحـرى أقلـع آثـاره
وابدل شِعري بصمت(ن) واغير سيـر الازمـان ِ

أنا ما شفت بك علة ، ودام اسمك أهـو سـارة :
أجل عيبك طلع واحد ، وهو إن انتي انسـان ِ !!

وهــ بس يـاسـارهـ

فقط كانَ اسمُ ( سارة ) يُداعبُ خيالي ..ههههه

ههههه

يعطييك العاافيه

تقبل تحيااتي

صـ ع ــب أنـ س ــاكـ

صـ ع ــب أنـ س ــاكـ كتب:: يعطييك العاافيه

تقبل تحيااتي

صـ ع ــب أنـ س ــاكـ

الله يعافيك يالغالي ومشكوور على المرور

يعطيك الف عااااااافيه ,,

وحركات هالساره الي اسمها يداعب خيالك ,,

شعر غزلي ممزوج بالمدح ووصف المحبوب ,,

مشكور أخوي على هالقصيده ,,

لاعدمنااااااااك...

~*][أميــرة الــورد][*~ كتب:: يعطيك الف عااااااافيه ,,

وحركات هالساره الي اسمها يداعب خيالك ,,

شعر غزلي ممزوج بالمدح ووصف المحبوب ,,

مشكور أخوي على هالقصيده ,,

لاعدمنااااااااك...

هههههههههههههههههه
مشكووره على المرور يالغاليه لاخلا ولا عدم