يابنت يكفي دخيلك لاتبوسيني

[color=violet]حبيت انقل لكم اليوم قصيدة نعومه أعجبتني
وفيها حنان الأب على بنته وحبه لها

يابنـت يكفـي دخيلـك لاتبوسينـي
خلاص يكفي تـرى مليـت مشكـورة
وش لك بخدي يابنت النـاس فكينـي
عندي طريقة وهي ماهيب محظـورة

نامي على صدر ابوك وحيل ضمينـي
لو تصبح عظام صدري منك مكسورة
انتي أساساً مكانـك فـي شرايينـي
مشاركـة بالمحبـة والغـلا "نـورة"

ولاهي غريبة علـى مثلـك تحبينـي
لاني أحبـك وانـادي دوم عصفـورة
يابلسم جروح ابوك وفرحـة سنينـي
يامن لها بالضلوع وخافقـي صـورة

أهديت غيرك كلام رويشـد "اعفينـي"
وانتـي لـك بذمتـي "درة وبلـورة"
اموت في ضحكتك وانتـي ذبحتينـي
بلشة .. عنيدة .. وكتكوتة . وشطورة

أن جيت اريّح وانـام الليـل توذينـي
متسلطنة تضرب الجـدران بالكـورة
تلعب على عينـي الكـورة تورينـي
والله ولا سامـي الجابـر وجمهـورة

واليا بكت تنقلـب عنـدي موازينـي
دنياي من دمعها وأن سـال مذعـورة
كـن الـزلازل بصـدري والبراكينـي
قامت تفجر وكـن الـروح مخطـورة

واليا ضحكت قلت أنا بالسوق بيعيني
لو كان سعري ثلاث ريـال معـذورة
والله ما أحسد على ضحكك سلاطينـي
اموالهم في بنوك جنيـف محشـورة

انتي حياتي وعمري شمعـة سنينـي
ودي اشوفـك اليـا شيّبـت دكتـورة
ادواي لاجيت لك تعبـاااان ضمينـي
الوصفة اللي تـرد الـروح "عبـورة"

اللهـ لايحــــــــــرمكم من حنـــــان وعطف أبوكم
انشــــــــاء اللهـ عجبتكم[/color

]

ابداااااااااااااااااااااااااااع قصيده من جد رووووووعه

والله يخلي كل بنت لابوها ويخلي لنا اهلنا ...

مشكووووووور ولا يحرمنا من جديدك

تقبل مروري

امين يالغاليه
ومشكووره على المرور العطر

ياخي موااضيعك تعجبني الله يسعدك إنشااء الله
ونتظر جدييدك إنشاء الله

تقبل تحيااتي
صـ ع ــب أنـ س ــاكـ

صعب ههههههههه
يعافيك ربي عيونك الحلوه مو مواضيعي تسلم
على المرور

ماشالله على هالقصيده الحلوه ,,

من جد حنااان ودفء أبو لبنته ماننحرم منهم يارب ,.,,

كلها معاني و ذوق,,

اختيار موفق ...

لاعدمناااااك ,,

~*][أميــرة الــورد][*~ كتب:: ماشالله على هالقصيده الحلوه ,,

من جد حنااان ودفء أبو لبنته ماننحرم منهم يارب ,.,,

كلها معاني و ذوق,,

اختيار موفق ...

لاعدمناااااك ,,

لك اشكر اختي الغاليه على تواجدك بين صفحاتي