شفيك ياشمعه !؟

شفيك ياشمعه !؟

وش اللي مضيق صدرك..
وش اللي حابس الدمعه..
وش اللي متعب عمرك..

أنا وإلا الألم نازف..
أنا وإلا الحزن سافر ..
أو إنه عمرك بيفنى ؟!

وفجأة !

سالت الدمعه بكت قدامي الشمعه..
وبكتني وقالت لي :

إلى منه سطع نوري على وجهك
( أشوف الدمع بعيونك )
" وهذا شي يحزني "
( وإلى منك صرخت من الألم )
أحس الموت يجذبني
أحسه حيل يجذبني
" وهذا شي يحزني "
وإلى منك كتبت الشعر
على نوري بقرطاسك
أحس حروفك تنادي
( تبي إنسان يسمعها )
( تبي إنسان يفهمها )
( تبي إنسان يحضنها )
ويرجع لي صدى الأصوات
يجرحني .. يعذبني
" وهذا شي يحزني "
وإلى منك بالدفا حسيت وغشاك النوم
( تفز بخوف ) تفزعني ..
" وهذا شي يحزني "

وقلت الله يالشمعه ...!!

أنا اللي مضيق صدرك
أنا اللي حابس الدمعه
أنا اللي متعب عمرك

أجل وشلون لوعشتي دقيقة عشتها بعمري ؟!
أجل وشلون لوشفتي جروح الناس في صدري ؟!
أجل وشلون لو إنك تحملتي حزن هالكون ؟!
أجل وشلون لوحظك رماك بعالم مجنون ؟!
أجل وشلون لويكبر بك الحرمان ياشمعه ؟!
(( أجل وشلون لو يجفاك أغلى الناس ياشمعه ؟! ))

وفجأة .....!

ماتت الشمعة من أحزاني ..
صرررررررررخت وليه ياشمعه
تركتيني لحرمااااني
تركتيني لأحزااااني

وبعد هالموت ياشمعه
من اللي بعدك بيبقى بظلام الليل ( يضويني )
ومن اللي بعدك بيبقى إذا ونيت (يحس فيني )
ومن اللي بعدك بيبقى على موتك يعزيني !!
*
*
م ن ق و ل